صفحة الشاعر مشعل بن محيا
للاطلاع على ترتيب الشاعر ضمن
سباق الأدباء وتسجيل رأيك
يابدر
يابدر انا ابا الوصـال وطحت فــالفرقا
يومني امسيت وامسى الملك للدايـم
اطعت شور السهر والشـــاهد الورقــا
وفرحت بطيوف خلي فرحة الــصايم
يوم ان الافكــار حالفــة ٍ علي ارقــا
رجم الخيــال الوسيــع الممطر الغايم
والله ماشفت زي الشــــادن الطرقا
اللـــي هواهــــا عذاب وقلبـها نايم
البارحه نشدت عن حالة الغرقــــا
ولقتني اخــر غريــق وواحـــد ٍ هايم
ماهيب من روق يابوتركي وبرقـا
شقرا ًً تبيع الجــروح وتسمــع اللايم
اقفت وانا فـ انتظـار الشعر والفرقا
تدير الاوهــــام تفكيري وانا قايــم
قولو لها لو بروق الغيمه الزرقـــا
تصبح لها تاج مــا سامحتها دايـــم
مابي
مابي ظلال النخلة اللي ما يميل ظلالها
للمتعب اللي يعدل الساقي لها قبل النخيل
كبرت صغيرات الجروح المبطيه و اوما لها
قلب ٍ يدفه عن كراسيه الندم بعد الرحيل
لعيون من لعيونها عشيتها من فالها
سريت باقي نص ليل وريح ورد وطعم هيل!
خلت قصيدي ذكريات ولا خطر في بالها
لا ذكريات ولاعتاب ولا وكثير ولاقليل
لوتنبت افكاري على رغباتها وامالها
لقيتني حلم ٍ يدور براسها فــ المستحيل
تحسد وسادتها الوسايد والحرير وشالها
تنام يصحى الدمع يحرسها ولا يقدر يسيل!
الجافل اللي من دلعها ما تنام لحالها
انفاسها عطر القصيد ورمشها الليل الطويل
تجرح قلوب الناس بـ الضحكه وحبة خالها
والجمرتين اللي وراهن ثلج يحرس سلسبيل
لو للزيادة فـ الترف زكاة شافت حالها
على عزيز ٍ مر ليلتها وهو عابر سبيل
اخذ زكاته من ترفها حاجة ٍ من طالها
قنع بها وراه مايقنع بها ؟ قبل الرحيل!
شعر / مشعل بن مُحيا
السعودية/ الرياض
جميع الحقوق الأدبية محفوظة للكاتب وحقوق النشر والتصميم لموقع العنان
