صفحة الشاعر
قــلــوب
للاطلاع على ترتيب الشاعر ضمن
سباق الأدباء وتسجيل رأيك
المزيد من الكتابات للشاعر ضمن صفحة
أيـه احبـك
ايه احبك
مااقدر انكر
والله اني قلتها مليون مره
وكان ودي تسمعيها لوهي مره
ايه احبك
ماقدرت انطقها لك
وماقدرت اوصفها لك
وماقدرت احسسك اني احبك
ايه احبك .. ايه احبك
ياربيع العمر وينك
ياحياة الروح وينك
ياعيوني ونبض قلبي
ارحمي قلب يحبك
ايه احبك
واعشق ارض ترابها رجلك تدوسه
وربي حتى ترابها لاجلك ابوسه
واحظنه
والملمه
واضمه بكفي وابوسه
اعشق انفاسك .. وهمساتك
وضحكاتك .. ولوعاتك
اعشق جروحك وروحك
باختصاااااااااار ..
اعشقك كلك
وكلك لي وطن
هوى الغالي
عيوني من هوى الغالي وربي ماتذوق النوم
اتوه بضحكته واسرح وادوخ بنظرته يمي
فديته كل عمري هو هلي وناسي وكل القوم
سحرني هو ملكني هو لعب بي هو نفض همي
احبه واعشقه واهواه واصير بسبته مرحوم
بعد عمري بعد روحي بدا يجري بدل دمي
فصل قلبي وعن جسمي تعمد يتركه مقسوم
واخذ قلبي وخلاني وحيد وغــارق بيـمـي
انا كلي
فدا كلـه ولو لـزم علـي لــزوم
اضيع بهمسته واشهق واغمض لانطق باسمي
حبيـبي هو دوا روحي غلاه يزيد يوم بيوم
واحس انه يبي ياخذ غلاته من غلاة امي
محد مثلي قدر يعشق قمرلا.. والقمر مرسوم
على خده اشوف اقمار منها ياخذ ويرمي
دعاي اللي لمعبودي يخلي ضحكته لي دوم
ولايـحرمني من حبه بعد خالي وبعد عمي
أمي
امي يانبع الحنان
اللي فقدته من زمان
يانبع الوفا والحب
ياكلي فدا هالقلب
امي يالعطف كله
يانبض العمر والله
يادمعه
.. تناديني
.. تحاكيني
.. تواسيني
يايمه ماني معاتب
ولاني لايمك يمه
انا احبك .. انا اعزك .. انا اغليك
انا كلي فدا كلك
ولكني انا يمه
فقدتك من زمن يمه
يايمه اَاَاَاَاَاَاَه يايمه
ذبحني الشوق يايمه
تركتي هالزمن يلعب
بقلبي حييييل يايمه
تركتيني ألم وفراق
هجر واشواق
عيون ودمع يايمه
حزن والله ماينطاق
تركتيني سراب ويتبعه ضميان
تركتيني جفاف وللمطر شفقان
تركتيني بدر مااكتمل
ماشاف شمس وماعرف الوان
يايمه ماابي منك
غير رضاك يايمه
ابي قبل انتهي واموت
رضاك ورزقك الجنه
غريـبه كيـف ترفض قلب يحب بكل إحساسه
غريبه صرت انا العادي وغيري صار عالي الشان
ترى ماني مثل غيري اذا حـب انـحنى راسه
ولانـي فـاقـد(ن) حـبـك ولانـي لـشـوفـتـك ولـهـــان
تحسب انك ليا من رحت يغيب الحـب وقياسه
لاوالله تـروح وبـعدهــا تـنـدم تـجيـنـي مـنقلب ألوان
ابلقى مـن يـعرف الحـب يقـدر أهـلـه ونـاسـه
أبـلقـى مـن يـضـم الـقـلـب وأبـنـسـاك وبـلا هـجران
تلاقـي غـيـري وتـعرف بـأنـي للهوى انفاسه
وتـرجـع لـي ذلـيـل تـقـول لـي اَسـف انـا الـغـلـطـان
واقـول ابعد نسـيتـك روح للماضي ووسواسه
انـا عايـش بـدونـك حـر مـهـاجـر بـاَخـر الأوطـــان
ابي انسى وابي اسلى واشيل الجرح من ساسه
وابـتـرك كـل شي صـار وابـطـوي صفحة الأحزان
أنـا والله لـو تـدري تـرانـي قـطـعـة الـماســــه
أنـا وربــي تـرى إحـسـاس تـجـمـع داخـله إنـســـان
صـحـيـح ان قـلـبي رهـيـف ولـكـنه قوي باسه
إذ انـه حـب يـعطش وان رفـض حـب انتهى ظميان
وينك حبيبي
يافرحة عيوني
يابسمتي
ياضحكة جفوني
ويادمعتي
ابي من اوقاتك شوي
وانا اوهبك كل العمر
وابي من احساسك علي
واكون لك تحت الامر
هذي شموعك تنتظر
تبغى احاسيسك تمر
وهذي مراياك
تناظرك
وتقول لك
وينك حبيبي
وهذي ورودك تنتظر
لمسه من ايدك تنتثر
وهذي عطورك صايره
من غير حسك حايره
وتناظرك
وتقول لك
وينك حبيبي
من بعدك انتي صرت انا
لحظات مافيها هنا
احزان تتمرد علي
وجروح تسقيني العنا
شوفي الحزن
وشلون صاير يحتضن
وشوفي الفرح
من بعدك انتي كيف صار
مايعرف الا الانتظار
ويناظرك
ويقول لك
وينك حبيبي
يالوعة من لوعة سنين
محتار في قلبي وانا ميت حنين
ياما بكيتك ياغريب
وياما شكيت من المغيب
وياما تحملت الالم
لجلك حبيبي
لجلك حبيبي انتظر
وابقى معك طول العمر
واعيش في ذكراك
وابقى غريب بلا عذر
ياشوق ينطق لي حروفي
وياعمر يسكن فيك خوفي
ماقلت لك اني بدونك
لحظة احلام وسراااب
ابحر على مركب هواي
واسكن وسط قلبي ومعاي
واترك جروحي للزمن
لجلك حبيبي انتظر
لجلك انا عايش حياتي
وعشانك انتي راح اعيش
فيني امل اني اشوفك ياحبيبي
وفيني ترى لحظات تنتظرك معاي
وجروحي اللي تنزفك
صارت تنادي
وتقول لك
وينك حبيبي
الشاعر / قــلــوب
