العنان/ رعشة هدب- مشاركات بالعاميه

صفحة خاصة بالكتابات الأدبية بالعامية والنبطي ..

لشعراء احترفوا الكتابة وتميزوا بمستواهم الراقي ..

كذلك هي نقطة بداية لمحاولات أدبيه واعده ..

والمعاني الجميلة لتخط أولى حروفها وتسطر نبض مشاعرها ..

فلكل شاعر وكاتب ولكل من يرى في نفسه موهبة الكتابة الشعريه ..

أن لا يتردد بإرسال مشاركته وسأكون في غاية الأمتان لنشرها

أن كانت ترقى للمستوى المطلوب.. وتتوافق مع شروط المشاركة ..

صوتك اللي في بقايا الروح مني000اسمــعه دايم لجل قلبي معــاك
من تفارقنا صدى صوتك سكني000لا أنا عمري ولا قلبـــي نســاك
نبرته فيني شذى عطــر وفتــني000أجمع أنفاسي وضم فيني هـواك
آه من شوقي 00ألم بعدك نثرني000ضاعت الأحلام مني في رجـــاك
والأمل فيكم بكل قسوه هـدمني000أنحرم شوفــك ونا حـي بلقــاك
ادري الوقت وردى حظي قهرني00وادري انك في جفا وقتي مـــلاك
واقعي يا أجمل أحلامي ســرقني00 من بداية فـرحتي مني خــذاك
صرت بك مغرم متيـــم بك مكني00مالك احسـاسي وذا حالي بلاك
بين فرقــاك وصدى صوتك كأني 00حـاير وما كن باسماعي سـواك

                            قلتها من خاطري ما عدت اباك
قلتها من زود ما بي من قهر
                                قلتها روّح ترى قلبي نساك
الزهر ما ينبت بوسط الحجر
                          كيف ينبت حب طاهر في حشاك
اللي يزرع شوك ما يحصد زهر
                         وأنت ما أظنك زرعت إلا الهلاك
شوف عيني دمعها كنه جمر
                            لا تظنه فاض يستجدي رضاك
بس ابكي أحلى أيام العمر
                          يا خسارة كيف ضاعت في هواك
أنت قاسي أنت ما عندك نظر
                         بعت من أرخص حياته واشتراك
يا حسافة فيك أنا قلت الشعر
                            يا حسافة صورك حرفي ملاك
يا خسارة كنت أنا فيك أفتخر
                        وأشعل شموعي لجل أضوي مساك
كنت أشوفك في سما حبي قمر
                           وشمس حبي كانت تعانق سماك
ما دريت باني أنحت في صخر
                               وإن حبي ما يليق بمستواك
آه يا ظلم الليالي والقدر
                               ليتني ميت ولا عايش معاك
لا تظن العذر يصلح ما أنكسر
                           ولا تظن أرجع أحلق في سماك
حتى لو سيلت لي دمعك نهر
                                قلتها روّح ترى قلبي نساك

قلت للقلب تكفى عن غلا البيــــــــض توب
.................................................. ..... وخل عنك الهوى وانس التعب والغلايب
انس قيض الهموم وسرمـــــــــدي الذنوب
.................................................. .... والسهـــــر والجروح الداميات العطايب
قال يابن الحلال انا عليه مغصــــــــــــــوب
.................................................. ...... كيف تبغاني انبض دون حب وحبـــايب
تدري انه ماهوبالكيف يومـــــــــــــي اذوب
.................................................. ........الهوى ذايبٍ فيني وانا فيه ذايـــــــــــب
قلت زين... الشقى.... ماني لعرفه طروب
.................................................. .......وماني اهوى تكباد النكد والنشايــــــــب
ماتشوف التعب بين على والشحـــــــوب
.................................................. .....انت تعشق وانا لي الشقـــــــى والطلايب
قال شي انكتب لا عاد ترجي الهــــــروب
.................................................. .....والصراحــــــــه ترى ماني بكل السبايـب
صح غالبك.....! لكني تراي مغـــــــــلوب
.................................................. ......ما اقدر اقاوم الزينــات شقر الذوايـــــب
قلت ياقلب لا صادفك غروٍ لعــــــــــــوب
.................................................. ......احذر تعاشره يجلب عليك المصايــــــــب
لا تعاشر سوى ظبي عديم العــــــــــيوب
.................................................. ....ماهو من الخبول مكثرين النحايــــــــــــب
قال اقول انثبر لا اعلقك بالهـــــــــــبوب
.................................................. ...ولاتخليني احـــــب السمــــا والسحايــــــب
واعشق الشمس لا مالت بوقت الغروب
.................................................. .... وانت فكر على مهلك وشوف العجايـــب
قلت ياقلب ماتدر ان باقي القلـــــــــوب
.................................................. ..... مســـــتريحه من الاحزان ومن التعايب
ول ياقلب ما كثر ماتحن وتلـــــــــــوب
.................................................. .......اعـــــقل وتوب قبل اتصير فيك الغرايب
قال دوبي طعمت الحب والعشــق دوب
.................................................. ........وانته اذيتني كني من الحــــــــب شايب
شوف لو قلت لك بتوب فانا كـــــذوب
.................................................. .......عن هوى الغيد تبطي عضم ماني بتايب

شعر / محمد المالكي _ الشامخ vip_0507@hotmail.com

أحبك
جيت أبكتب ساعات حبنا في قصيده....... أبذكر فيها فصول دربي ودربك
وليالي صفا عشقنا والأحلام السعيده........ وأوقات بعدك عني وولهي بقربك
وفرحتك بي مثل الطفل ليلة عيده......... ولهفة ضلوعي وشوقي وفرحتي بك
وصارت أفكاري تآخذ الحرف وتعيده....... وضاعت الأبجدية في ذنبي وذنبك
وما صفالي إلا أربع حروف مفيده........ قلت أرتبها كونت لي كلمة "أحبك"
شعر /أسير الغربه - وليد بحاري waleedo_18@hotmail.com

ماكرمتي بالوصال ولا بخلتي بانتظاري
جيت يمك من فظايه في فظايه واحسب انه

مايهز الحب قلبٍ كان باهل الحب زاري
كنت اظن القلب قاسي والتجارب علمنه

واحسب انه مايتراجع عن قراره في مساري
ايه ياللي كل منهو شاف زولك جر... ونه

ماشريت الود لكن غصب صار القلب شاري
من نظرت عيونك اللي كل ساكن حركنه

شفت فيهن شي ظيع وجهتي واخلف مداري
شفت فيهن بوح روحك بان وعيوني قرنه

كل مابك من انوثه في عيونك بان عاري
شفت شيٍ صعب وصفه وان وصفته فيك كنه

سحر والا يمكن انه معجزه ماصرت داري
فيك ود/وفيك صد/وفيك نار/وفيك جنه

فيك لين/ وفيك زين/ وفيك معنى لانكساري
فيك ظلم/ وفيك عدل/ وفيك سلم /وطعن اسنه

فيك داعي للهزيمه / فيك دافع لانتصاري
ومن شقايه كل مابك في عيوني زاد فنه

وكل مابك في سكونه ماسكن بعده قراري
وحين ليلك مر صبحك وابيض يديك فهقنه

صاح قلبي للمشاعر معلنٍ حالة طواري
وابتديت احس باللي شاف (قيس) وقال عنه

توي ادري ليه خاوى الريم بفجوج الصحاري
وابتدابي مثل شيٍ فيه لكن صعب اكنه

شي مدري كيف وصفه في مجاري الدم جاري
وكل مابي من مشاعر كل مابك عانقنه

وجيت ايهجن للمحبه بندفاع وبالف طاري
جييت اوصف في جمالك والمعاني ماوصفنه

واذكر اني للقصايد في جميل الوصف ظاري
ولو وصفت الحسن ياللي كل جيلك ماملكنه

كان اقدم للعذارى واجمل الشعر اعتذاري
ولو كتبت احساس روحك مثل سودك ماحكنه

حسب ظني واعتقادي ماينام الليل قاري
وبعض مابي لومعاني الشعر طاعن واكتبنه

صدقيني غير تألف للبشر كل الظواري
آآآآآآه ليتك ياجميله فيك جود بغير منه

ولابخلتي بالوصال وصار معنى لانتظاري

شعر / أنور العبدلي e77_sas@hotmail.com

الدلع يللي يشيب الطفل الرضيع
                            شيب قبل الشيب راسي والهدب
حاولت في وصفه قد مقدر واستطيع
                     طار الورق وثار الحبر بإيدي وانسكب
عينٍ لا ناظرت نظرة الظبي الوديع
                     ونبضٍ لجله يثور لجلها يوقف غصب
ورد على شفاهه نبت في نص الربيع
                        ريقها لا نحل لا طير منه ما شرب
جيدٍ يختفي مع هبة النسمة ويضيع
                     بااقي الناس طين والله خلقها من ذهب

       شعر / السيلفاتور scorp-j5@hotmail.com

ماللصبر اخر

ماللصبر اخر
ولاللهوى باكر
ولاللعمر شمعه
ولاني في الهوا شاعر

اتخيلك
اتاملك
واناظرك واقول لك
اني هواك
واني معاك
واني دروبك لو مشيتيني سنه

يالوعة العمر وسنينه
وشباقي اكثر ماعطيتك من حنينه
وشباقي اقوووول
وشباقي احكي
ماقدرت اوصف مشاعر
ماقدرت اطالعك
ماقدرت احكي على همس العمر ساعه

جيتي بلا ميعاد
جيتي وقلبي مابه الا من بقايا الذكريات
يحفظ اسمك ويتأمل في عيونك
لو تركتيني سنه
او تركتيني عمر
او تركتيني سفر
مااعرف اني لغيرك انتظر
وماعرفت الا الصبر
وماللصبر ااااااخر

اشتاق لك
واحتاج لك
واضيع في نظرة عيونك لي وانا
ماشي على دربك
مااسبق الخطوات
مااسبق الخطوات

فيني نهايه يازمن
فيني بدايه واشتياق وماامل
من شوفة الغالي
من شوفة الغالي وانا كلي امل
ساعه تقول اني حبيب
وساعه من احساسك قريب
وساعات احس اني انا ابعد من النجمه عليك
وساعه تجيني مختلف
وساعه اشوفك مايمر يوم وتجي
تسأل عن احبابك
وتفسر غيابك
ومالي رفيق الا الصبر
وما للصبر اااااخر

الشاعر / قــــلــوب ahot_mail@hotmail.com

يا مرحبا باللي لفا و يسمع قصيدي و الخطاب
                                    يا مرحبا و الله و أنا من كل قلبي اشكره
ما ودي العب بالشعر و لا ودي تاليها خراب
                                و لا أقول بأني شاعره أو حتى قولي ثرثرة
اسمع قصيدي و بعدها فكر و احسم لي الجواب
                           و عن زلت ألساني ترى أطلبك و أرجو المعذرة
كل اهتمامي بالشعر معشوقتي ام الشباب
                                    هي ديرتي و الله لجلها عمري كله لنثره
زايد سقاها امن العطا زايد تحداها الصعاب
                                        زايد اللي قال كلمه مدونه في دفتره
بأتحادي قوتي مثل الأسد له ألف ناب
                            و التفرقة ضعف و دروب الضعف كلها جرجره
اسمع من اقواله شعر كله حكم كله صواب
                                و قال العلم مثل الدرع يحمي الوطن ملبعثره
بادر بجهودك و لا تقلد مفاهيم السراب
                             وعطني زراعه وأوعدك أعطيك حضارة مبهره
يا دولتي يا دولتي ياما تعديتي السحاب
                                  و لو كل أرضن تمتلك في يوم ذرة مقدره
كانت تمنت ديرتي تصبح لها صرح وحجاب
                                كانت تمنت ديرتي صوت و لسان و حنجرة
و من عقب روحت شيخنا و اقلوبنا في اكتئاب
                              مثل الزجاج اللي أنرجم بأحجار و بعده كسره
وان غبت يا زايــد ترى في قلوبنا ليوم الحساب
                             و نطلب من الله فكل ساعة العفو لك والمغفرة
وان غبت يا زايــد ترى خلفك رجالن بل ذياب
                                    و كل واحد هيبته تخيف العدو و تحقره
و هذي بلادي تزينت كنها عروسن ما تهاب
                                   في عز حاكمها الخلف هذا خليفة احذره
ورثه أبوه امن العطا و الحكمة له مليون باب
                                وان جيت للرحمة ترى بقلبه رياضن مزهرة
هذا خليفة عزوتي افداه بارواح و رقاب
                                 وان حتى جاه امن العدو شي ٍ قليلن لنحره
لابوه و لابو هالعدو .. لخلي بيته في خراب
                           و بسوق رمحي في خاصرت هذا العدو و آدمره
وهذا و لي العهد محمــد في قصيدي له حساب
                              راقب حضوره بين قلبي كيف فارض سيطره
ودي ازيد امن الشعر و اخاف تاليها خراب
                                والبيت ياللي في قصيدي للضرورة اكرره
ان غبت يا زايــد ترى في قلوبنا ليوم الحساب
                            و نطلب من الله فكل ساعة العفو لك و المغفرة

القصيدة الفائزة بالمركز الأول في مهرجان الشعر النبطي الطلابي الخليجي الأول
أروى الذيبــــاني ( بنت الذيب ) altheebani@hotmail.com

ويـلاه

ماينفعك ياقلب قولتك ويلاه                لاصرت ماتفهم مشاعر حبيبك
مادامك اخترته ورضيت المعاناة      اصبر على بلواك وهذا نصيبك
اووضح المقصود والي تمناه                قل ماتبي بضبط يفعل حبيبك
ودي يقول اطلب كل ما تمناه                  و انا من اليوم والله طبيبك
واعرض علي جرحك وعندي أدواه       محدً ترى غيري يحدد مصيرك
واقوله انتادواءجرحي وانت رجواه           انتاحبيب القلب مافيه غيرك
وانتاهناعمري وبعد غايتة ومناه               أهديتلك قلبي واصبح اسيرك
انتي الذخر ذهب الماسة منقاه                  حوريهً يا سعد والله حليلك
المحــ تركي ــايد w808@hotmail.com

يا بو حمد قلبي تولع بغاده
                            بنت الشيوخ اللي علي الطيب طاغين
مكحولة العينين فيها قراده
                            مثل العسيف اللي تخوض المياديـن
ناديتها في عالي الصوت غـاده
                                غـاده تعالـي وأرجعي للمحبين
شوفي دموع العين والعين زاده
                                     حزن وألم كتبتها بالعناويـن
مكتوب فـي حبك وحبك شهادة
                                    أعلنتها عند البشر بادياوييـن
غـاده أنا حبي وحبي مـراده
                                  نفسي تحبك يابعد كـل الأدنين
ياسيده انتي ملكتي بـساده
                            وأنتي سكنتي في خفوقي من سنيـن
يادخله قلبي علي غير راده
                                 وش غيرك ياورد كل البساتين
الحب مابـه يابعد حيـي هواده
                               غصبن على كل البشر والوفييـن
غاده تعالي والعبي فـي سعـاده
                              بين الضلوع وبين ذيك الدواويـن

شعر / صالح العامر king1_302@hotmail.com

أنا أسف إني حبيتك وتعنيت
                        وأنا أسف إني ضيعت وقتي سدا
أثرك بإحساسي ومشاعري تسليت
                    وتماديت في جرحي وتجاوزت المدا
لكن أنا استاهل أني بحبي تراخيت
                    حسبتك خليلي وأثرك من أعدا العدا
شعر / غريب الشرقية asyr777@hotmail.com

رحتي ولكن !

غبتي: بعـــيـون الناس.. لكن بقــيتــي ** فـــــــــــــي داخـــلي .. تبــقــين .. لأخر حياتي
رغــــم انتهاء العمر .. لا.. ما انتهـيتي ** طـــيــفــــــيــك .. معــي.. يعـــيــش لـلمقـبلاتي
وما كنــت أتمنى .. يــوم..فـيه أختفيتي** مــــــيــر القـــــــضاء.. المــكتوب لابد .. ياتي
هــــم .. نزلوك .. القبر.. لـــــكن رقيتي** فــي خافقي .. تــضـــــويــن درب امــــنيــاتـي
ياللي .. على شاني لحزنك جفـــــــيتي **كــنــــت .. اتمنى معــــك.. تــــنقَــل رفـــــــاتي
حيــــثــك على شـاني.. تعبتي وشقيتي **مــــــن اول.. شــــــــــــبابك .. لـين يوم الوفاتي
كــــم ليلة.. مـن قبل أعود ..احتريتي!؟ ** تـــســـهر عــــيــــــــــــونك لــين يا(أمي) آتي
رغـــــم المرض .. والهم ..ماقد شكيتي **إلا لـــــربي ... مكـــــــوَن الكــــــاينــــــــــاتي
ما خطه الرحمن.. بحكــــمه رضـــيتي** بإيمان راســــخ.. فـــــــي عظــــــــيم الصفاتي
ورغــــم قـــسى الأيام.. ماقـد قـــسيتي**قـــلــبك يشـــــــــــيع الحب.. بكـــــــل الجهاتي
ماقــــد نزلتي .. فــي شموخك رسيتي **مـــثــــــــــل شـــمــوخ النخـــل.. في ريح عاتي
ولا شـان وقــتي .. كل الآمك ..نسيتي ** مـــن أجـــل انا ارتـــــــــــاح.. وتــــسعد أوقاتي
ولا ضاق صدري.. بالهموم..انتخيتي ** (أفــــــــا) (وانا امـــــــــك) لا تضـــيع وصاتي؟
خــلك مــثل أعرفك.. بنصحي بديتي ** يـــــبــــــان صبـــــر الــــــرجـــل .. بالنـــايباتي
بهـرجك (يا أمي) لـــلهواجس شفيتي ** نصـــحـــــك دواء للــــقـــــــــلب.. وبلـسم شفاتي
من دون مااشرحلك..احــزاني قريتي **أحســـــــاسك معـــي.. يحــــل كـــــــل معضلاتي
لو هـــي بكبر طويق!.. بكلمه محيتي **عـــــني.. كثــيـــــر هــمـوم.. كــالــــراســـيــــاتي
وقــول: يا( أمي).. بقــولك : كـفيتـي ** الـــــــرجـــــل.. مــثـــل الـــطـود بالـــعـــاصفاتي
من طـــيب قلبك .. بالتـــسامح بنيتي **فـــيـــــــــنــا وفــا.. واخـــــــــلاص وعزم وثباتي
متـــعـوده تعــــطين.. ماقـد خذيـــتي **الا دعـــــاء الــــنــــــــاس.. بعـــــــدالــــمـــــماتي
بعـطفـك.. ربــيت.. وبالحنايا..ربـيتي** اقــــرب مــــن الاحــــساس مــــــني لــــــــــذاتي
وشـلون!؟ أنا (ياياه) لاجيت.. بيتي؟ ** ولاا شــــاهـــــــدك (ياياه) وشــــلــــــــون ابـــاتي؟
متعـود لقــــياك... لا جيت.. جـــيتي ** والــيـــــــــــوم.. مـــــالي مـنـك .. بـــــس ذكرياتي
الله يبيحك.. ياالحـنونه وفــــــــيتي ** والله يحـــــــلك دوم.. ادعــــــــــــــي بـــــــصلاتي
والله يـثيبك خير.. بكل .. ما عطيتي **والله يحــــــــلــــك .. فـــــــي نـــــهـــار الـــــثباتي
ويــــوســـع بمثواك ..ربٍ.. رجيتي ** في جـــــــــنة الــــــفـــــــردوس بــــيــــوم النجاتي
ويلهمني السلوان.. ببعدك (اغـديتي)**قـــــــلبــي صحـاري بــــــور.. مـــــابه نــــــــباتي
واسمك معـي.. ماانساه بروحي سميتي ** مثــــل شــــــــــمـــــوخ طــويــق.. بالــنـــايفاتي
رحــــتي ولكن:: بالحــنايا بقــــيــتي**عندي (هنا) تـــــضـــويــــــــــن عـــتـــمة حــياتي

شعر / احمد البخيت nar110_7@hotmail.com

ضامي
كلما مضى يومن على جرحنا الحي
                                تسهر عيوني والوله يعتريني
أسافر بصحرا على هامش الفي
                             ضامي أفتش عن مدى يحتويني
عيونك الخرسا خذتني من الحي
                                 لديرتن فيها الهوى يشتهيني
في خافقي رفة هدبها ترك بي
                               جرح على مر الليالي يجيني
مثل الفراشة صابني رغبة الضي
                              قلت الوقوع بحرها يرتضيني
أعطيتها من دنيتي كل ما في
                            وفوضتها باللي بقي من اسنيني
لكن حسافه ما حصلنا على المي
                                ولا ساعدتني لحظتن ترتجيني
شعر/ عواد صياح المبارك البخيت        Awwad_jo@hotmail.com
إقراء المزيد من القصائد للشاعر

أخر حبيبـه

كان الفراق اللـي طلبتيـه يسعـدك
                            فيـه افرحـي يالغاليـه وابشريبـه
ابي ارتحل وأبقى على العهد واوعدك
                            تبقيـن أول حـب وأخـر حبيـبـه
مهما قسيتي والزمـن عنـي أبعـدك
                            رغم الجفـى تبقيـن منـي قريبـه
ورغم الزمان اللي حكم في تباعـدك
                           طيفـك عزايـه باليالـي الكئيـبـه
مع طول ليلٍ به تحريـت موعـدك
                          ارجي الفجـر واليـل عيـا يجيبـه
الكون كله فـي عذابـي يساعـدك
                          الوقت وأنتي والضـروف الصعيبـه
كن الزمن من سكرت الحب يقعـدك
                           وكنه عطاك مـن الخيانـه نصيبـه
شعر/ محمد العيسى alshmmalyy@hotmail.com

أقول الشعر واذكر فيه مدح وحب وأهاتي
                                        أنا أقدم عاشقٍ مجروح وحتى الجرح يبكيني
بكيت العشق ودروبه شكيت الصد بمياتي
                                            ولاعمري لقيت إنسان يقرّب لي ويعنيني
انينه بالحشا ياما قهرني وزاد وناتـــي
                                                  وكم خلٍ هويته لكن أخيره يجافيني

ذرفت الدمع من عيني باسبابه معاناتــي
                                                  أبسال ليه ودّ الحب لو انّه بيفنيني
همست الحب مانلنا فضحته بالروياتي
                                                كسبنا الذم مع انّه قبل ماكان يشفيني
همسنا جور وبحنا فاقبلت كل المنياتي
                                       عذاب بذاك وموت بذا ابعرف كيف يرضيني
أظني فاقده دايم خسرت بكل جولاتـــي
                                        يقينه بان يالله تجعله في يوم يعطينــــي
وألقى قلب صادق غير ماتروي حكاياتــي
                                            واسعد في هوى مزيون لو افديه يفديني
وأصبح أقدم العشاق بس بزود فرحاتــــي
                                            واكتب بالقلم أحلى هوى بالحب يلفيني

شرف
لاتكلمني تراني مستوي
                                ما أبي إنسان يمسكلي طرف
خلني يرتاح همي وانزوي
                             دام أحس الكل من حولي قرف
العدو في وقتنا مثل الخوي
                                لو أبي اختار ربعي ماعرف
التجارب علمتنا يابدوي
                            أن بعدك عن بعض ربعك شرف
شعر / زايد الشليمي zayed13_33@hotmail.com

وين ارحل

وفي عيونك كل الدروب
ووين الهروب
وأنـــا ..أنتي
يا أعذب حروف
الكلام
يا كيف ما تبين احبك
يا كيف؟
اقدر اخبي.. دمع عيني
عن مناديلك وأنام؟
...
ما يهم
لو حكت الناس
وصارت حكاية وسيره
مابه أعذب من العطر
لنتشا وفاح منه عبيره
مايهم
لو عرف كل من عرف
ما يهم
دامي الفقير
وأنتي
الأميرة
شعر / رمح الشمال ( قصة شقاي ) rommh@hotmail.com

لا تصد ولا تكابر ,,, انكشف زيف المشاعر
لحظه ماجيتك بعاتب.. جيت أشوفك قبل أسافر؟
عيني جابتني وجيت ,,, أسرق النظرة وأسافر
وأملا عيني قـــبل أسافر
جيتك أسراب الهموم ,,, دمعه في عين الغيوم
جمله خانتها الحروف 000 صفحه تطويها الكفوف
جيتك الليل بسكون ,,, صرخة أحزان وجنون
أدري أني صرت ماضي,,, والبس أثياب المسافر
قلت أشوفك قبل أسافر
انتهى المشهد دريت ,,, ومنك العِبُره خذيت ..
مسرح الدنيا كبير مسرح الدنيا
كبير ... !!
الشاعر/ خليفة المناور oomemoriesoo@hotmail.com

بستأذن الصمت وانطق كلمة وحده 000 واستأذن الهرج وارجع عاشق لصمتي
يا بنت أنا كل قول انطقه قده 000          ما اهتم جيتي وفا او جيتي وخنتي
يموت راعي الجفا والهجر في صده 000     ما قيل يا عزة الشاعر معه لنتي
جيتي ورحتي ومثلي عارف حده 000     مسألك أنا كيف جيتي أو بعد رحتي
مخضع ولا اقول قلبي محرقه وجده 000      ومطمن الراس مهما بالغلا كنتي
كرامتي كامنه وتثور فالشده   000              اعناد يقتل عشمك اللي تعشمتي
يقال شي تخاف وتستحي بده   000            كرامتي عزتي تبقى ولا أنتي

من عرفتك إبتدى عمري ..... وانكتب في الحب ميلادي

والا قبلك يا بعد عمري ..... كان أمر الحب لي عادي
جيتني من دون ما أدري ..... كالقدر من غير ميعادي
وانتشى بالشوق لك صدري ..... كل يوم الشوق يزدادي
يا ربيع الورد والزهري ..... يا عطر يا فل يا كادي
لك مسلّـم في الهوى أمري ..... لك ملبِّي قبل ما تنادي
فيك يحلى يالغلا شعري ..... ويرتسم كالفرح باعيادي
من عرفتك بس يا عمري ..... أنكتب في الحب ميلادي
شعر / ماجد majood_22@hotmail.com

داخل عيونك اتركهم تكفى يشوفونى 000خلهم يموتون كيف حبي بعينك قعد000
غطنى بالرموش العكش داخل الجفونى000واطبق خرس العيون لتباشير السهد000
الحب ياحياتى مثل تصافيق المزونى000يدخل القلوب الذايبه بلا موعد ولا وعد000
الله من قلبن تهزه غزيرات الحزونى 000كن قلبي صبر وأحزانه بالمواجه جلد000
ماتوب عن غرامك لو يقولون مجنونى000مجنون ليلى قبلي بحب ليلى حبه خلد000
ياعيون الغلا يابعد الغلا وغلا عيونى0000ضمنى بعينك اترك من بالحب قلبه بلد000
قلهم نفسه عزيزه مابيهم يحبونى000 المقفى ماهى لنا عاده نتبعه لا نوى يبتعد000
ماسجدنا لغير رب الكون لا يحسدونى00مايخضع الراس لغير الله ولا يركع لاحد000
احذر الموج لا جاك يضرب بأزرق اللونى000عاده البحر يتلاطم بأمواجه لارتعد000
ولا يغرك سحاب الصيف وكثر المزو00 لا تقول أمطرت لا سمعت صوت الرعد000
وأنت يابعد عمري لايهمونك بالظنون00 قل أيه أحبه وأموت بحبه وغرامه ذا الولد000
شعر / أشقر الجوف mamdooh_2004@hotmail.com

أقاسم الفرقا

للناس عيـــد وانتي يا بنت عيـدي
                                    كتبتها والعيـد طاري لذكراك
كتبتـهـا مـن دم قلبي ووريـــدي
                                لجل الخفوق اللى تناسى ما ينساك
أنتي لي اقرب من حــروفي لقصيدي
                                    أنتي دفى روحي لمسته بيمناك
لولاك مـاكنت بزمــاني سعيــدي
                             لولاك ما افرح مع الـنـاس لـولاك
للناس عيد وأنا عــــيدي بعــيدي
                            فاقد لك البسمة وفــاقد حــلايـاك
ما غير أبي اصبر والمواجع تزيدي
                                   أقاسم الفرقا صبــر واتحراك
شعر / سعد مسهوج العلاطي saad_poetry@hotmail.com

لايانسيم الليل بعثرت الأفكار
..................وإيقضتني في وهم حاجه جديده
وأعطيتني ياليل وأعطيتك أسرار
..................وسرقت مني وعد شوقي وعيده
كل السنين الماضيه رحلت أسفار
.................. تعــبت والــــــواقع نهــــايه أكيده
ماعاد يرضي نزعة النفس معذار
.................مازال جسر الشوق مسرى قصيده
أحلام تبقى فوق وأحلام تنهار
................. وآمال في صدر السنين البعـــــيده
والقادم المجهول في كف الأقدار
................ يضفي عليه اللطف خالق عبيده
حتى ولو ياليل بعثرت الأفكار
.................. وأيقضتني في وهم حاجه جديده

الشاعر / عبيدالله العرابي

يا قلب خلي عنك كثر التفاكير
         واترك اللي خان لو انه ضنينك
ولوهو تعذر لك وزاد المعاذير
          لاتقبل الاعذار.... هين اللي يهينك
ولا تشتكي له غدراته والمقادير
          خله على فاله وربك يعينك
ولو رف قلبك له مثل رفة الطير
           اذكر خذلك شلون وضيع حنينك
ياما جت تبكي كنها طفلٍ صغير
           واقول ياقلبي ترها جنينك
من عقب ما حبك على قلبي امير
            ومن عقب ماني بالشديد عوينك
حسبي عليك الله لو كان بك خير
             ما كان تترك ناس وهم عاشقينك
لو اطلب المولى ترى ماهو كثير
               يحفظك ربي ويسعدك في سنينك
امانه اذكر واحد متيم اسير
               لاشاهد القمرا تذكر جبينك
واذكرني ولو سرت مع واحد(ن) غير
                   يوم القدر وقف ما بيني وبينك
وتذكر جريح(ن) وسط خافقي صغير
                     سببته الله لايسلم يمينك
مع السلامه وانتواجه على خير
                     لاصفرت من غير شر(ن)يدينك

يا من غدى في خافقي مثل الأنقاض
                  بقلبي سواة الصيف سوت سمومه
في خاطري يشبه سنا البرق لا ناض
                 في ليل ممطر غايراتٍ (ن) نجومه
وإلا شبيه السيل متحدر ٍ(ن) فاض
                يسقي ثرى ذيك الديار وحزومه
وإلا شبيه الروض لاجد واعتاض
                عن عوده اليابس بزاهي رسومه
يزهى بنوار ٍ(ن) وشيح ٍ(ن) وحماض
               في ساعةٍ(ن) ينسى المولع همومه
واليا ذكر ما فات يزعل ويغتاض
               ويشرف على رجم ٍ(ن) كثيره ردومه
ما اضن له عقب انطفى ضوه اوماض
              لا أضن يلقى من يسد بلزومه
من عقب مشيه وسط ريضان وفياض
              يمشي الوعر متشققاتٍ(ن) هدومه
ومن عقب ما عينه تهنى بالأغماض
            اصبح من همومه على الكوع نومه
ودي يعوضني ولا شك ما عاض
             عنه ابتعدت ولا دري وش هي علومه
يارب يالله طالبك حظ نهاض
             تعيظ به حظٍ (ن) تردت عزومه

مسكت القلم والقرطاس ابكتب مشاعر
                                محب مخلص مبتدي ما هو بشاعر
ابكتب في نور عين مع اني كفيف
                                    بالهوى والعشق وماني بشاطر
ظروف الوقت ابعدتني عن الهوى
                                وما ادري ان الهوى يفرح الخاطر

حسيت فيك واعجبت فيك
                                وما اعرف قلبك ياترى بي شاعر
اليوم كتبت في حبك قصيد
                                وامس كتبت فيك احلى الخواطر
لاجلك امشي درب الهوى
                                وامشي وما اخاف لو كلها مخاطر
وابي تدرين هالكلمتين
                                            حرام كسر الخواطر
شعر / محمد صبري سليم البلوي (ظلام الحرمان) alherman2003@yahoo.com

يا فجر ليلى

يافجر ليــــلي متي أشوفك صباح

ومتـي مره القاك يافجــــري قريب

ومتي يافجر طيــرك يميلي الجناح

وياخذني لمن خلا قـلبي عطيب

ان كان صوتــي ضاع وسط الرياح

ولـــو دمعــي تحجر وأصبح نضيب

وأصبح الصمت فيني عنوان الجراح

وبلسمه ضايع ويش ينفع طبيب

لو قلت أغفــــي ولو قـــــلت ارتاح

عيا هالقلب فيني لــو مره يجيب

عايش مع الناس مثل ضيـف وسواح

وأدور الما وأنا وسط المشــــاريب

اسمع مع ربـــعي تلاوين وأفراح

وبداخلي نشوة الفكر آهه وتطريب

تعبت من روحي والكل مرتـــــــاح

عجز الصــــــبر ولاقلت انه نصـيب

ياقلب تدري دواك لو كنت سماح؟

تناسي جروحك ولو كانت تلاهيب

وارحم جسد بين بــــــــه الهم ولاح

كفاه يا قلب منك كل تعذيــــــب

والعفو ياسيدي اطلق مني السراح

واغمرني بشال المحبه يا الحبيب

ياخســــــران

خســرتنــي وأنـا الكسبـــان
                            يوم فارقــت واحد مثيـــلك
كنـت نجم(ن) في سماي يافــلان
                           وطحت شهب(ن) دور من يشيــلك
أسقيك وأنا كلي عطـش ضمــيان
                           ولاأرتجي قطره من اللي عطيتك
أناديره من العزه مايهزهاطوفان
                            ولاتحسب يميلني في يوم ميلك
كل(ن) على نفسه ياخلي ربــان
                            لكن الحب نصـيب ولازم يصيبك
ماكل من أهداك كم كلمه وزهره رمان
                           تهديله عمرك وتظن أنه حبيبك
تعلمت منك حبيبي غدر الزمــان
                           وكيف بعد المحبى أنطق نسيتك
أبشرك!غابت شمسك وماني بندمان
                           راح يشرق بدر(ن) ويحل بديلك
عيش ياقلبي نعــمه النــسيان
                           ولاتبكين ياعــين على غيــرك
روح وأختفي عن حياتي ياخسران
                          ولا تجي ارحل اللــه حسيــبك
محمد الزايدي...(نسيم الحب)zaidi_heat@hotmail.com
إقراء المزيد من القصائد للشاعر

جاني شعور انك تبيني وجيتك ***** احس بحساسك وانا في مكاني
ابعد ولاكني في خفوقي لقيتك ******** متربع ٍ مابين ذيج المحاني
يا قره عيون الغلا مانسيتك ******** طيفك يناجيني وشوقك دعاني
وان مرت الذكرى في فكري دعيتك* اشوف عينك مارتوت من حناني
وان ضاقت الدنيا بعيني نصيتك ****** اجيك كني مبتسم لي زماني
لو تلمس احساس الجفا مارجيتك **** معطيك قلبٍ بالمحبه عطاني
يفز قلبي كل ما مريت بيتك ****** واذكر زمان ٍ فات مر ونساني
تبقى القلوب اكبار مهما جفيتك ****** ويبقا غلاك بقلبٍ ما جفاني
عطني ولو مره مثل ما عطيتك ***** يمكن تعاني مثل ما انا اعاني

باسي قوي يا بنت وارفع الهامه
     ماني من اللي يقول حبك ذبحني
إيه بدوي يابنت وفوقي غمامة
   لاتفتكر أقول قلبك جذبني
اكتم الجرح وما ألوم من لامه
    ألوم قلب بيوم انه عشقني
وماني من اللي لا أنجرح عض إبهامه
    يشهد الله شفتك وقلبي نقزني
حتى الغرور بكلمته وحتى بسلامه
    عز الله انه بالمحبة خذلني
ذوق ودلال وجيد وبوجنته شامه
     بس الحقيقة طبعك ذا ما عجبني
وبيت أبا أكتبه بقصيد الشهامه
     قلبي تكسر وبأيدينه كسرني
ومن حب مثلك ليله ما ينامه
     هذي حقيقة شخص بظهري طعني
الغدر والكذب لك مني وسامه
   تفتخر به وتقول أحمد قصدني
رجل شجاع وكريم والموت سامه
    لأجل شخص بالمحبة مارحمني
وش عاد يفيد فعله والا كلامه
    مااخضع بأيدينه لو تناسا ونكرني
يمشي ويجرح بالخلق ويرمي سهامه
   مسكين يحسب إن سهمه جرحني
أقول فيك وفيك وينفي أتهامه
يقول إذا هذي صراحه لاتصارحني
أقول الطيب والكرم فيني علامه
    وأنت الردى فيك وعنك ابعدني
شعر/احمد القماصي العنزي fbi_95@hotmail.com

أشريك يا دمع على الخد مسكوب
لو كان الثمن روحي ما أرده
يا بعد عمري ويا بعد كل محبوب
غلاك اليوم محد من الخلق قده
يا حبيبي العشق بيننا مكتوب
وأمره قضى والقضى من يرده
مكتوب نهوى ومكتوب لنا نذوب
ويعيش كل منا في دمعه فوق خده
يا حبيبي كاس غيرك منه بمرغوب
أنت الزلال العذب اللي ما أرده
شعر / صدى الآهات - ل.ح.ش dlo3a20@hotmail.com

إلى حبيبي الغايب ......
كل هالدنيا بكبرها .... تصغر بضحكة عيونك
إيه والله ياغناتي .... تصغر بضحكة عيونك
آه يا حبي الندي .. آه يالطير الشدي
شبت من حظي الردي ....وشبت من حزني عليك
نسيت أن الهنا لحظه ..وان اللحظة ماتكمل
نسيت أن العمر ومضه مع اللي شوفه ما ينمل ...
تصدق يا الغالي :إني أموت بصوت ضحكاتك ... وتوحشني عباراتك ...

وأهيم بزود لا وقتي ذكرّني بنظراتك ..وجياتك وروحاتك ...

حبيبٍ لاذكرت إسمه أشوف الكون يصفالي ...
هو اللي دوم مشقيني ... وما يدري .. معنيني ...
أحبه رغم غيباته عن أيامي ... وعن سنيني ..

رغم بعده وحرماني ... يحبه كل مافيني...
ضوت في ليلي همساته ... قناديل تنور دربي الطافي
تبوح بسري الخافي ..وأنا ابكي وأتحسر .. و أحس بقلبي يتكسر ...
أفتش عن مواعيده .... وأقول .. وشلون ما أريده ....

وهو عمري .. ... وهو كلي ...ونور يضوي الدنيا وهي ظلما ....
أنا له لو يطول الصمت ....أنا له لو يطول الوقت ...

يــــــــا من تعلى فوق عــــــالي وارفعه
...................................... حتى وصل قدره سؤود الارتفـــــــــــاع
فاضت مشاعر صـــــــاحبك من مدمعه
...................................... وصبهــــــا لك في يدينك بـ اقتنـــــــــاع
ياانت يــــــــــــاللي كل حبي ومنبعـــــه
...................................... منك ولك اسمى معـــــاني الالتيــــــــاع
جيت أبكتب عــــــــــن شعور(ن) اتبعه
...................................... وجانني بــــــــــاقصى حــــدود الاندفاع
أيـــــــــــه ابكتب مـــــااشوفه أبلا أقنعه
...................................... شئ احســــه داخلي او انطبــــــــاع
ودي انثر خــــــاطري ثم اجمعـــــــــــه
...................................... وارجع انثر مــــــا جمعته بـــــ انصياع
هاك الوفــــــــــاء والله انك مرجعـــــــه
...................................... كنّه خــــــــذاا منك أصول الاتبـــــــــاع
الوفاء مبدأ وانتـــــــــــــــــــاااا موضعه
...................................... وفرق مــــــــــــــا بين التبع والابتداع!!
وهاك الجفـــــــــــــا عني تصده وتمنعه
...................................... وعمره ما يحضر للوفاء أي اجتماع
الفضــــــــــا ضـــــايق(ن) بك من سعه
...................................... مــــــــــــــااشوف إلا أنت في كل البقاع
يـــــــاانت ياكل الجهـــــــــــات الاربعه
...................................... المدى يصغر وقدرك فـــي اتســـــــــاع
كنت احسب الطيب (بس) فــــــــ مربعه
...................................... لين شفته غـــــامرك حتى النخــــــــــاع
يـــــــا شبيه الوقت فــــي رفض الضعه
...................................... يــا شبيهه في الكبر في الارتجــــــــــاع
كل شئ(ن) للنقص يـــــااا مسرعـــــــه
...................................... إلا قدرك كـــــــــــ البدر زايد شعــــــاع
قــــــالوا أن سهيل بّدل مـــــــــــــــوقعه
...................................... مــــــادروا انه تنحـــــــــــــــا لك وطاع
تخجلـــــــــــه بـــــدر الدجى في مطلعه
...................................... ولا كسفته غـــــــــاب قدر المستطــــاع
كيف وأنت الضي منك تشعشعـــــــه؟!!
...................................... في الحقيقه الضي مـــــــــــــا يرده قناع
لو حصل مره اختلفنـــــــــا فـــــ معمعه
...................................... أو تشوه حرفنـــــــــــا الطــــــاهر وذاع
لازم أنّا هــــــــــــــــــــ الغلا ما نصفعه
...................................... لازم إنّــــــــا نفض اسبـــــــــاب النزاع
تدري إنّا مثل مركب بــــــــــــــ أشرعه
...................................... من الضروري لا ابرقت نرخي الشراع
أي صحيح إن القدر مــــــــــــــــا ندفعه
...................................... بس لا اشتد القصف نحمــــــي القلاع!!
يشهــــــــد الله كل شخص ومطمعـــــــه
...................................... وكل شئ إلا اســــــــــــــــــاليب الخداع
كلنــــــــــا نمشي فــــــــي درب المنفعه
...................................... ومو ضروري نغير الكيلو بصــــــاع!!
واعترف لك صعب وجهي انزعـــــــــه
...................................... طبعي قاسي من مواقيت الرضـــــــــاع
والله أني مــــا في قلبي اطبعـــــــــــــــه
...................................... وان خطأ من حقي له بـــــــــــــالاطلاع
يــــــــا ملاك الفكر حتى فــــــ مضجعه
...................................... ودي ذا ودك برأب الانصـــــــــــــــداع
انــــــــــا شــــــــاري حبك اللي تزرعه
...................................... في عروقي في خفوقي ذاب ومـــــــــاع
لك غلا بـــــالود والحب اشفعــــــــــــه
...................................... شئ أحسه مـــــــــــا خذيته بــــــاانتزاع
أنا صـــــــــــادق // صدّق اللي تسمعــه
...................................... أو بكيفك؟!! ..لك حقوق الامتنــــــــــاع
هــــذا حسي صعب اكــــابر واردعــــه
...................................... مو بكيفي عــــــايف اسبـــــاب الـــوداع
هـــــــات كفك وانسى (ذيك( الزوبعـــه
...................................... خلني في راحتك أنسى السنــــــــــــــاع
خلني تايه مــــــــــا أدري مــــــــن معه
...................................... وخلني مره احــــــــــــس القربِ بــــاع
وخلني هـــــايم مـــــــــــــا اريد القوقعه
...................................... ولملم (أ) هيـــــامي عن دياجير الضياع
وخلني قـــــــــــاضي (هوى) لو اجدعه
...................................... وخلني ميت هوى أبدون الدفـــــــــــــاع
هات كفك ..وخــــــــــــذ جميع الاذرعه
...................................... بس خـــــذ عمري قبل كف الـــــــذراع
خذنــــي ( كلي ) مثل بعض الامتعـــــه
...................................... وعطني ( بعضك ) مثل عذبــات المتاع
يـــــــــــا بعد منهــــــــو بقى في مربعه
...................................... اللي مثلك يوم يشرى مـــــــــا يبـــــــاع
مهما مربـــــــــاعك تعلى بــــــــا ارفعه
...................................... حتى لـــــــــو يوصل سؤود الارتفــــاع

أبحرق لك جناح الليل وله وأشواق محبوبك ** أنا لك بحترق ..واحرق بقايا الليل واشتاقك
حبيبي.. للسهر عشتك سهد ولحافي دروبك ** واخذني مركب التيه.. وحنيني.. لأخر أفاقك
أنا ما قدر أعيش إلا معك لا تبطي غروبك ** تراني حيل عانيت انتظاري.. موعد إشراقك
وأنا كل الدروب اللي بقت لي تتجه صوبك ** معك باقي.. عناويني.. وكلي واسأل أوراقك
أنا مالي غنى عنِّك.. تعال وشوف مصبوبك ** تعال أرجوك لو لحظة تشوف.بعينك إحراقك
تشوف أنقاض ما هد الحزن بأفراح مسلوبك ** بعد ما هدته لوعة رحيلك عنه .. وافراقك
شعر / عازف ألم
aazefalam@hotmail.com

الحزن من كثر أحزاني اشتكى
والدمع من كثر دمعي بكى
فالضيق أضناني من طول صمتي
والصمت من صمتي حكى
فيامن كان في العشق نصيبي وانكوى
وذاق مثلي جوار البعد والنوى
هلا بلغتني كيف يكون الخلاص لعاشق
وكيف يكون العلاج والفؤاد قد هوى
حار الطبيب فلم يجد بي علة
وما أدرى الطبيب بالقلب وما حوى
وما حاجتي لطبيب وأنتي خير معالج
لجريح عشق واليكي الفؤاد قد أوى

أجمـل بقايـا
مهما ومهما حاصرتني هداياك
أوراقك أغلى من جميع الهدايا
ورغم أني أغليها علشان عيناك
رجعتها لإثبات حسن النوايا
خذها وتبقى داخل القلب ذكراك
وسط الفؤاد وبين صف الحنايا
أرحل وتبقى في عيوني بقاياك
أجمل وأجمل مابقى معي من بقايا
أرحل نظيف الوجه حتى خطاياك
في عيني أنظف من جميع الخطايا
روح الله يهنيك بأيام دنياك
تبكي عيوني وتبتسم لك ثنايا
شعر / عمر العياضي alzaeem01@ayna.com

يطول وقتي كل ما تذكرتك 00 واكره بعدها أيامي بدونك
يا ترى يا زين الدنيا غرتك 00 والا نسيت أحبابك اللي يبونك
تعال ارحمني بشوفتك وجيتك 00 تعال أنا أحرسك وعيوني تصونك
اشر بيدك وأبدى خطوتك 00 أنا حبيبك الوفي اللي مايخونك
وأنا إلي بالعطاء أبادل زلتك 00 يا حبيب القلب أنا مجنونك

المعذره
توك.. في دنيا الهوى طفله** ما تعرفين الحب..ولا عشتي دنياه
من يطعن عزتي وربي .. أذله**وأخليه يندم على كل اللي سواه
أنا من ركعك..تحت رجله**وخلى قلوب العذارى ترتجي رضاه
إذا جاني زماني معقد..أفله**واعقده على ما تشتهي نفسي وتهواه
تبيني اعتذرلك.. لا والله ** أنتي اصغر من كلمة أسف بين الشفاه
شعر / قايد الشوق
ak911ak@hotmail.com

هاتي إدينك لامسي الكف للكف يشعل غرام الشوق بيني وبينك

يطرب يهيم الشوق يرقص على الدف تحيا المشاعر بين إيدي وإدينك

من قال نظرة تروي القلب وتكف من قال تكفي كاذب بشرع دينك

لازم إيدينك يا بنت تدفى وتدف لازم كفوف الراح ترسل حنينك

لازم أشوف الرمش يهتز يهتف لازم أشوف الدمع في موق عينك

لازم أشوف الورد عالسن يرجف بعده أذوق الريق يابنت وينك

إرخي سواد الليل رديه عالكتف الريح يلعب فيه يا هول زينك

لو جيت أوصفها بالوصف ما كف إثر النجوم نقوش في راحتينك

إثر القمر ماهوبلك ند بالوصف والشمس تخجل منك يابنت وينك

كأنك موادع يا شــوق اللــــــــــه معــــــاك

لو غبت عن ليلـــــــــي ما اقدر أمنعـــــــــــك !

ما دريت إن الجفا ويّا الليل حيل يذبحـــــــك ؟

اقهـــر الآه بصدري لأجـــــل مـــــــا أكــدرك !

أطلبك طلبـــة من قلـــــــــــــــبٍ حاير حيل !

يوم الوداع يا خـــــــل رد قلبي اللي معـــــك !

بيني وبينك حب مااضني أنساه.. مادمت حي ولو تطول الليالي
وقت مضى من بيننا العام ما حلاه ..ليت الزمن طول الليالي صفالي
كل الغلا اللي مايجيلك رميناه ..لوكان ينبت ورد ماله ومالي
يابنت حبك في فؤادي كتبناه.. واسمك بقلبي يامنى مايزالي
انتي بحر والحب يابنت ميناه..ودايم وصورة مبسمك في خيالي
الله يعين القلب ياكبر بلواه.. مايزول همه لو تزول الجبالي
لولا ظروفي كان دارك وصلناه..والله لجياك ياحسين الدلا لي
غلاك ورد من غلانا سقيناه ..واذكرك لا هبت هبوب الشمالي
شعر / صديق الليل
badar41@hotmail.com

إقراء المزيد من القصائد للشاعر

.................................... ولاماكتبتك شعــر لجــل إنـي أمحيك

................................... وعيـون تذرف كــل ماحــل طاريــك

.................................. خـذها هديـه جعـل تسلم أياديــــــك

.................................. وشهـى حياتـي دام وقتــي مجافيـــك

.................................. مـاتنتهي إلا تحقـق أمانيـــــــــك

................................. خذنـي محبه صادقـه تفتخــر فـيـــك

................................. أنـا أسيـر الحـزن وحاـلف ماأخـلـيـك

أخيرا بانت علومك وخفاياك .. وأخيرا أشرقت شمس الحقيقة

خدعتني وعشت الخديعة وياك .. عشتها بعمري دقـيقة بدقيقة

عزالله ماحسبت هدٌي سواياك .. ولا حسبت إنك تخونين الوثيقة

من عرفتك سهيت هايم بدنياك .. وصرت ماعرف غيرك عشيقة

أنبـسط إلاشفت أقبل محياك .. مدري إني مخاوين ذيبة سريقة

ياما تغـليتي وأظهرت غلاياك .. وقلت الغلى للمجمول شي يليقة

وياما بتليتي غيرك من بلاياك .. وقلت البلى مومنك إنتي الصديقة

ماكنت أسمح لأحد يذم طرياك .. ولا كنت أسمع لكل إللي ماتطيقة

ولاكنت أعرف إنك خبيثة نواياك .. أمولعن بيني وبين غيري حريقة

لكني أخطيت وغرتني مزاياك .. وعتمت عيني عن شوف الحقيـقة

يكفي ماجاء منك جود هداياك .. لاتدعي اليوم إن أحاسيسك رقيقة

يكفي دموع التماسيح في شكاياك.. لاتدمي جروحن تركتيها عميقة

لاترجاني ترى مايهمني رجاياك .. تراني ختمتها وصرتي مني طليقة

رعشة هدب / مشاركات بالعاميه والنبطي