الف صحة --(مهداه الى صديق)

[ظلال العشق]

سلامتك ياصاحبي والف صحة
سلامتك من كل مكروه يلقاك
توّك صويب الراس ماجف جرحه
عساه تكفير ٍ لسالف خطاياك
وعسى بقية دنيتك دوم سمحة
وتعيش فيها صقر للغيم مرقاك
وعسى عدوك يلبس الثوب شلحة
وعساه يمشي حافي ٍ فوق الاشواك
الصاحب اللي يعجز الشعر مدحه
تحيتي لك كل ماهل طرياك
والفرحة اللي وزنها بالف فرحة
سلامتك من كل مكروه لا جاك


قصيدة مهداه الى صديقي العزيز صقر الجنوب ( مراقب..منتدى مدار للشعر )

[عزف المطر]

هلا فيك ظلال والحمد لله على سلامة خويك

كلماتك صادقه جدا ووفيه

لكن ياظلال ليش الغياب علينا حنا؟؟

على العموم الله يوفقك وتكون بخير بإي وقت وبكل مكان

شروق جـــــــرح

[المينونه]

احم احم احم
اول شي منو هذا اللي تقوله سلامتك
عشان نحن بعد
ندعيله
بالشفاء انشالله
هههههههههههههههههههههههههه

سلامتك ياصاحبي والف صحة
سلامتك من كل مكروه يلقاك
توّك صويب الراس ماجف جرحه
عساه تكفير ٍ لسالف خطاياك


واااااااايد حلوه القصيده
وانتمنا منك ان تشارك ويانا
دووووووووووم مو يوووووووووم
هههههههههههههههه


وداعة الله
مينووووووووووووونه

[كويتية مزيونة]

مشكور يا اخ ضلال على المشاركة

وحمدالله على سلامة صديقك والله يخليكمن حق بعض دووووم

وخطاه السوء ان شاء الله

تحياتي اختك\
كويتية مزيونة وعاشقة انهار

[ظلال العشق]

شكرا ...... لك عزف المطر
وغيابي لظروف معينة وان شاء الله تزول وتشوفني مشارك كل يوم .... بس لا تطفشوا مني



اخوك **** ظلال العشق

[ظلال العشق]

شكرا لك .... ويعطيك الف عافية
والشخص اللي كتبت فيه القصيدة صديق من ايام الطفولة ومراقب في منتدى مدار .
حصله حادث مرتين في اسبوع واحد والحمد لله على سلامته.
وان شاء الله راح تشوفيني كل يوم مشارك معاكم . لكن ............بعد زوال ظروفي .

[ظلال العشق]

شكرا ....... لك كويتية
ويعطيك الف صحة والف عافية .
تحياتي لك كويتية وللجميع وعساكم ان شاء الله ماتشوفون مكروه فيكم ولا في عزيز عليكم .