يوم اقبلت

[ظلال العشق]

يوم اقبلت من زينها صحت يا رب...... وش ذا الملاك اللي تشوفه عيوني

وش ذا الملاك اللي على جيته هب...... نسيم عطر وهل غيم المزوني

هذا الملاك اللي شعل داخلي حرب...........قلبي يبيه و مشغلني ظنوني

مرة اقول اهواه واموت به حب.......... ومرة اقول اعشقه عشق جنوني

مجنونها ولاني بحاجة هل الطب.............قربه يكفي يا بشر صدقوني

ياكبر حبي و ان غدا حبها ذنب........... راضي بذ نبي دام هذا فتوني

تضحك له الدنيا و ينبض له القلب............. ابيع لا جله غا ليات الوزوني

وان عاتبوني الناس يا مضيع ا لدرب...... با قول انا في حلم و اقفل جفوني

وان قالوا اصحا قلت شمس الهوى غرب.....و كثر السهر يا نا س يتعب عيوني

[الســــــــعودي]

أسم على مسمى
تحياتي لك اخوي
بصراحه قصيدة قوية وتسلم يمينك
وبصراحه فيها بيت اعجبني :
مرة اقول اهواه واموت به حب.......... ومرة اقول اعشقه عشق جنوني

مجنونها ولاني بحاجة هل الطب.............قربه يكفي يا بشر صدقوني

ياكبر حبي و ان غدا حبها ذنب........... راضي بذ نبي دام هذا فتوني

ياخي تسلم والله تسللللللللللللللللم


تحياتي

أخوك / الســــــــــــــــــــــــعودي

[ظلال العشق]

شكرا لك السعودي
تشجيعك دافع قوي .واتمنى اكون عند حسن الظن .

[rana]

الله الله

مرحبا ظلال

صح لسانك

يسلمووو اديك

الله يسعدك

أشوفكم على خيل
المجنونه رنــــــــا

[ظلال العشق]

شكرا rana على اهتمامك
ويعطيك الف عافية .

[عهد الشرقيه]

صراحه شعرك حلو مره واتمنى لك التفوق والأستمرار في العطاءواتمنى اكتب مثلك

[ظلال العشق]

شكرا لك على مشاعرك .
واكيد اللي عنده مثل احساسك يقدر يكتب . بس لازم يحاول

[الجوري]

كلمات راائعه
صح لسانك وسلمت يمينك

الف تحيه

[بنت الرياض]

هلا اخوي ظلال العشق

اول شيء ليه اسمك ظلال ليه مايكون شمس
ولله ناوي تحجب عن العشق

ههههههااي


كلماتك كانت في قمه الروعه بل اكثر من رائعه


تحياتي
بنت الرياض

[ظلال العشق]

يعطيكم العافية وشاكر ومقدر لك كرم المرور على قصيدتي المتواضعة .
.

[ظلال العشق]

بعد السلام يحلى الكلام ........................... الخ
يعطيك العافية بنت الرياض .
وشكرا على تكرمك بقراءة قصيدتي المتواضعة .
اعتقد ان العشق له نار حارقة كما له لذة وسعادة .وبصراحة حبيت ابعد عن كل ما له علاقة با النار والعذاب. فاخترت الظل . لاكون ......... ظلال العشق

[لؤلؤ البحر]

مشاء الله
أيش الحلااااااااا هذا أيش الزين هذااااا
ما قدرت أقول غير يسلموووووووووو على التحفه الفنية اللي قرأتهاااااا

[ظلال العشق]

الله يخليك ....
وفعلا اسم على مسمى . لؤلؤ وكلامك كأ نه اللؤلؤ
شاكر لك ثنائك على القصيدة .